26 C
Phnom Penh

AUTHOR NAME

ឌឹ ខេមបូឌា ដេលី

2861 POSTS
0 COMMENTS

អាមេរិក​គាំទ្រ​ពេញ​ទំហឹង​ឱ្យ​ស៊ុយអែត​និង​ហ្វាំងឡង់​ចូល​ជា​សមាជិក​ណាតូ ខណៈ​តួកគី​ជំទាស់

ប្រធានាធិបតី​សហរដ្ឋ​អាមេរិក លោក ចូ បៃដិន ប្រកាស​ថា ប្រទេស​ស៊ុយអែត និង​ហ្វាំងឡង់ ត្រូវ​ទទួល​បាន​ការ​គាំទ្រ​យ៉ាង​ពេញ​ទំហឹង​ពី​សហរដ្ឋ​អាមេរិក ចំពោះ​ការ​សម្រេច​ចិត្ត​ជា​ប្រវត្តិសាស្ត្រ​នៃ​ប្រទេស​ពីរ​នេះ​ដែល​បាន​ដាក់​ពាក្យ​សុំ​ចូល​ជា​សមាជិក​ណាតូ។ នេះ​បើ​តាម​ការ​ចេញ​ផ្សាយ​ដោយ​បណ្ដាញ​ផ្សាយ​ព័ត៌មាន BBC នៅ​ថ្ងៃ​សុក្រ ទី​២០ ខែ​ឧសភា។ ប្រទេស​ពីរ​នេះ​សុទ្ធតែ​មាន​ព្រំដែន​ជាប់​នឹង​ប្រទេស​រុស្ស៊ី ដែល​កំពុង​លើក​ទ័ព​ឈ្លានពាន​ប្រទេស​អ៊ុយក្រែន។ ប្រទេស​ពីរ​នេះ​តែងតែ​រង​ការ​បំពាន​ពី​សំណាក់​ប្រទេស​រុស្ស៊ី​ផង​ដែរ ជាពិសេស​ពី​ខាង​ដែនអាកាស។ ការ​បំពាន​របស់​រុស្ស៊ី​ទៅលើ​ប្រទេស​ពីរ​នេះ មាន​ដូចជា​ការ​ធ្វើ​សមយុទ្ធ​ជាប់​ព្រំដែន និង​ការ​បញ្ជូន​យន្តហោះ​ចម្បាំង​ឱ្យ​ទៅ​រំលោភ​ដែនអាកាស​របស់​ប្រទេស​ពីរ​នេះ ហើយ​ចុងក្រោយ រុស្ស៊ី​គំរាម​ពង្រាយ​គ្រាប់​នុយក្លេអ៊ែរ​នៅ​តាម​ព្រំដែន​ប្រទេស​រុស្ស៊ី​ជាប់​នឹង​ប្រទេស​ពីរ​នេះ​ទៀត​ផង។ ដោយ​មើល​ឃើញ​អំពី​ការ​ជៀស​ពុំ​រួច​នៃ​ការ​ឈ្លានពាន​ពី​សំណាក់​រុស្ស៊ី ដូច​ករណី​ប្រទេស​អ៊ុយក្រែន និង​ប្រទេស​ហ្សកហ្ស៊ី...

សហភាព​អឺរ៉ុប​មិន​ដាក់​អ្នក​សង្កេតការណ៍​បោះឆ្នោត​ក្រុមប្រឹក្សា​ឃុំ-សង្កាត់​នៅ​កម្ពុជា

សហភាព​អឺរ៉ុប​ប្រចាំ​នៅ​ប្រទេស​កម្ពុជា នៅ​ថ្ងៃ​ទី​២០ ឧសភា នេះ ប្រកាស​មិន​បញ្ជូន​អ្នក​សង្កេតការណ៍​អំឡុង​ពេល​បោះឆ្នោត​ជ្រើសរើស​ក្រុមប្រឹក្សា​ឃុំ-សង្កាត់​នៅ​ឆ្នាំ​២០២២ ខាងមុខ ខណៈ​អង្គការ​សង្គម​ស៊ីវិល​ក្នុង​ស្រុក​ដែល​ឃ្លាំមើល​ការ​បោះឆ្នោត​កន្លងមក ក៏​មិន​ដាក់​អ្នក​សង្កេតការណ៍​ដែរ។ សហភាព​អឺរ៉ុប​ប្រចាំ​នៅ​ប្រទេស​កម្ពុជា បាន​ប្រកាស​លើ​ទំព័រ​ហ្វេសប៊ុក​ជា​ផ្លូវការ​នៅ​ថ្ងៃ​សុក្រ ទី​២០ ឧសភា នេះ​ថា ការ​បោះឆ្នោត​ជ្រើសរើស​ក្រុមប្រឹក្សា​ឃុំ-សង្កាត់​នៅ​ឆ្នាំ​២០២២ ខាងមុខ​នេះ អឺរ៉ុប​នឹង​មិន​ដាក់​អ្នក​សង្កេតការណ៍​នោះ​ទេ។ សហភាព​អឺរ៉ុប​បញ្ជាក់​ថា ទោះបីជា​អឺរ៉ុប​មិន​ដាក់​អ្នក​សង្កេតការណ៍​ក៏ដោយ ប៉ុន្តែ​អឺរ៉ុប​នឹង​យកចិត្ត​ទុកដាក់​ខ្លាំង​ចំពោះ​ការ​បោះឆ្នោត​នា​ពេល​ខាងមុខ​នេះ ថា​ប្រព្រឹត្ត​ទៅ​ដោយ​សេរី ត្រឹមត្រូវ យុត្តិធម៌​ដែរ​ឬ​ទេ ដោយ​ថា​ទាំងអស់​នេះ​វា​ជា​ផ្នែក​សំខាន់​ក្នុង​មូលដ្ឋានគ្រឹះ​នៃ​លទ្ធិប្រជាធិបតេយ្យ។ មួយ​វិញ​ទៀត សហភាព​អឺរ៉ុប និង​ឯកអគ្គរដ្ឋទូត​នៃ​រដ្ឋ​ជា​សមាជិក ក៏​បាន​ជួប​ជាមួយ​ប្រធាន...

ព្រឹទ្ធសភា​អាមេរិក​ថា​កិច្ចព្រមព្រៀង​សន្តិភាព​ទីក្រុង​ប៉ារីស​នៅ​តែ​មាន​សុពលភាព​សម្រាប់​កម្ពុជា

សភា​ជាន់ខ្ពស់ ឬ​ព្រឹទ្ធសភា​សហរដ្ឋ​អាមេរិក បាន​អនុម័ត​សេចក្តី​សម្រេច​ចិត្ត​មួយ​ដែល​ហៅថា Resolution S. Res. 427 ដោយ​បង្ហាញ​យ៉ាង​ច្បាស់​ថា កិច្ចព្រមព្រៀង​សន្តិភាព​ទីក្រុង​ប៉ារីស​ឆ្នាំ​១៩៩១ នៅតែ​ស្ថិត​ជា​ធរមាន ឬ​មាន​សុពលភាព​សម្រាប់​ប្រទេស​ហត្ថលេខី​ទាំងអស់ ជាពិសេស​ប្រទេស​កម្ពុជា​ផ្ទាល់​តែម្តង។ ព្រឹទ្ធសភា​សហរដ្ឋ​អាមេរិក កាលពី​ថ្ងៃ​ទី​១១ ខែ​ឧសភា ឆ្នាំ​២០២២ មុន​កិច្ចប្រជុំ​កំពូល​អាស៊ាន-សហរដ្ឋ​អាមេរិក​មួយ​ថ្ងៃ បាន​ធ្វើ​សេចក្តី​សម្រេច​ចិត្ត​មួយ​ដែល​បាន​កំណត់​ឱ្យ​រដ្ឋាភិបាល​កម្ពុជា​ត្រូវតែ​លើកស្ទួយ​ការ​គោរព​សិទ្ធិមនុស្ស​ដូច​មាន​ចែង​ក្នុង​រដ្ឋធម្មនុញ្ញ​ប្រទេស​កម្ពុជា និង​ធម្មនុញ្ញ​អង្គការ​សហប្រជាជាតិ ជាដើម ព្រមទាំង​បាន​កំណត់​អនុវត្ត​ឱ្យ​បាន​តាម​ខ្លឹមសារ​នៃ​កិច្ចព្រមព្រៀង​សន្តិភាព​ទីក្រុង​ប៉ារីស​ឆ្នាំ​១៩៩១ ដើម្បី​ធានា​នូវ​ដំណើរការ​ប្រជាធិបតេយ្យ​នៅ​ប្រទេស​កម្ពុជា​ផង​ដែរ។ ប្រភព​ដដែល​អះអាង​ថា សេចក្តី​សម្រេច​ចិត្ត​របស់​ព្រឹទ្ធសភា​សហរដ្ឋ​អាមេរិក​នេះ ធ្វើឡើង​ដើម្បី​រំឭក​ខួប ៣០​ឆ្នាំ​នៃ​កិច្ចព្រមព្រៀង​សន្តិភាព​ទីក្រុង​ប៉ារីស​ឆ្នាំ​១៩៩១...

អាមេរិក​នឹង​បង្វែរ​បំណុល​កម្ពុជា​ជំពាក់​ទៅ​ជួយ​ផ្នែក​មនុស្សធម៌​សម្រាប់​ពលរដ្ឋ​ខ្មែរ​ជំនួស​វិញ

សហរដ្ឋ​អាមេរិក នឹង​បង្វែរ​បំណុល​ដែល​កម្ពុជា​បាន​ជំពាក់​ខ្លួន​ចាប់តាំងពី​អំឡុង​ទសវត្ស​១៩៧០ រហូត​ដល់​ពេលនេះ ទាំង​ដើម ទាំង​ការ សរុប​ប្រមាណ​ជាង ៦០០​លាន​ដុល្លារ​អាមេរិក​ទៅជា​ជំនួយ​ផ្នែក​មនុស្សធម៌​សម្រាប់​ពលរដ្ឋ​ខ្មែរ​ជំនួស​វិញ។ តាម​ប្រភព​ច្បាស់​ការណ៍​បាន​ប្រាប់​សារព័ត៌មាន The Cambodia Daily ក្នុង​លក្ខខណ្ឌ​មិន​បញ្ចេញ​ឈ្មោះ​នៅ​ថ្ងៃ​ទី​២០ ឧសភា ថា សហរដ្ឋ​អាមេរិក​នឹង​បង្វិល​បំណុល​ដែល​កម្ពុជា​ជំពាក់​ទៅ​ជួយ​អភិវឌ្ឍ​លើ​វិស័យ​អប់រំ​នៅ​កម្ពុជា​វិញ ហើយ​ជំនួយ​ទាំងនេះ​ទំនង​ជា​សហរដ្ឋ​អាមេរិក​នឹង​ផ្តល់​ជា​ដំណាក់កាលៗ​សម្រាប់​ជួយ​និស្សិត​អាហារូបករណ៍​ដែល​ជាប់​ឈ្មោះ​ទៅ​បន្ត​ការ​សិក្សា​នៅ​សហរដ្ឋ​អាមេរិក។ ប្រភព​ដដែល​បាន​អះអាង​ថា ការ​បង្វែរ​បំណុល​ប្រទេស​កម្ពុជា​ជំពាក់​ជាច្រើន​រយ​លាន​ដុល្លារ​អាមេរិក ដើម្បី​ជួយ​អភិវឌ្ឍ​ដល់​វិស័យ​អប់រំ​នៅ​ប្រទេស​កម្ពុជា​ពេលនេះ ទំនង​ជា​ធ្វើឡើង​តាមរយៈ​ភ្នាក់ងារ​សហរដ្ឋ​អាមេរិក​សម្រាប់​អភិវឌ្ឍន៍​អន្តរជាតិ ហៅ​កាត់​ថា USAID ប៉ុណ្ណោះ មិនមែន​ជា​ការ​ផ្តល់​ឲ្យ​ប្រទេស​កម្ពុជា​តាម​វិធី​ណា​មួយ​ដោយ​ផ្ទាល់​នោះ​ទេ ពីព្រោះ​រាល់​ការ​ផ្តល់​ជំនួយ​របស់​សហរដ្ឋ​អាមេរិក ត្រូវតែ​ធានា​បាន​នូវ​ប្រសិទ្ធភាព​នៃ​គោលដៅ​របស់​ពួកគេ។ ការ​អះអាង​នេះ...

បទវិភាគ៖ តើ​ហេតុ​អ្វី​បានជា​គ្រួសារ​ត្រកូល ហ៊ុន តែង​លើកឡើង​អំពី​បដិវត្តន៍​ពណ៌?

លោក ហ៊ុន សែន តែងតែ​អួតអាង​ថា លោក​បាន​បង្កើត​សន្តិភាព​ក្នុង​ប្រទេស​កម្ពុជា។ ផ្ទុយ​ទៅវិញ លោក​តែង​គំរាម​ម្តង​ហើយ​ម្តង​ទៀត​អំពី​បញ្ហា​បដិវត្តន៍​ពណ៌ និង​ចោទ​ក្រុម​នេះ ឬ​ក្រុម​នោះ​ថា​មាន​បំណង​ចង់​ផ្តួល​រំលំ​រដ្ឋាភិបាល​របស់​លោក​តាមរយៈ​ការ​ធ្វើ​បដិវត្តន៍​ពណ៌។ ក្នុង​ឱកាស​ថ្លែង​សារ​អបអរ​សាទរ​នៃ​ពិធី​ចូល​ឆ្នាំ​ថ្មី​ប្រពៃណី​ជាតិ​កន្លងទៅ លោក ហ៊ុន សែន បាន​ឆ្លៀត​រំឭក​រឿង​បដិវត្តន៍​ពណ៌​ដែល​គាត់​ធ្លាប់​ប្រើ​ជា​ការ​គំរាម​កម្ទេច​ចំពោះ​ក្រុម​អ្នក​រិះគន់ និង​អ្នក​ប្រឆាំង​ចំពោះ​ការ​ដឹកនាំ​របស់​គាត់។ បន្ទាប់ពី​ការ​គំរាម​របស់​លោក ហ៊ុន សែន ចំណែក​កូនប្រុស​របស់​លោក​មួយ​រូប​ទៀត គឺ​លោក ហ៊ុន ម៉ានី បាន​លើកឡើង​ថា បដិវត្តន៍​ពណ៌​មិន​បាន​ទៅណា​ឆ្ងាយ​ពី​កម្ពុជា​ឡើយ។ តើ​អ្វី​ទៅ​ជា​បដិវត្តន៍​ពណ៌? អ្នកវិភាគ​ខ្លះ​និយាយ​ថា ពលរដ្ឋ​តែង​ងើប​ឡើង​តវ៉ា​ប្រឆាំង​នឹង​អំពើ​ផ្ដាច់ការ...

IDEA TALK៖ សិទ្ធិ និង​ករណីយកិច្ច​របស់​ពលរដ្ឋ​អាមេរិកាំង​ដែល​មាន​ចែង​ក្នុង​រដ្ឋធម្មនុញ្ញ

កម្មវិធី Idea Talk សម្រាប់​រាត្រី​ថ្ងៃ​ទី​១៩ ខែ​ឧសភា ឆ្នាំ​២០២២ ស្តីអំពី៖ «សិទ្ធិ និង​ករណីយកិច្ច​របស់​ពលរដ្ឋ​អាមេរិកាំង​ដែល​មាន​ចែង​ក្នុង​រដ្ឋធម្មនុញ្ញ»។

លោក បៃដិន ទៅ​កូរ៉េ​ខាងត្បូង​និង​ជប៉ុន​ចំ​ពេល​កូរ៉េ​ខាងជើង​ពន្លឿន​ការ​បាញ់​មីស៊ីល​គំរាម​ឧបទ្វីប

មន្ត្រី​ម្នាក់​នៃ​ក្រុមប្រឹក្សា​សន្តិសុខ​អាមេរិក បាន​និយាយ​ថា លោក​ប្រធានាធិបតី​សហរដ្ឋ​អាមេរិក ចូ បៃដិន ចាប់ផ្ដើម​ចាក​ចេញពី​សេតវិមាន​នៅ​ថ្ងៃ​ព្រហស្បតិ៍ ទី​១៨ ឧសភា សំដៅ​ទៅ​ធ្វើ​ទស្សនកិច្ច ២​ប្រទេស គឺ​កូរ៉េ​ខាងត្បូង និង​ប្រទេស​ជប៉ុន។ តាម​ទីភ្នាក់ងារ​សារព័ត៌មាន AFP ទស្សនកិច្ច​របស់​ប្រធានាធិបតី​អាមេរិក​វ័យ​ជិត ៨០​ឆ្នាំ​រូប​នេះ​ទៅ​កាន់​ប្រទេស​ក្នុង​តំបន់​អាស៊ី​ខាងកើត​ពីរ​នេះ គឺជា​លើកដំបូង​បន្ទាប់ពី​លោក​បាន​ក្លាយជា​ប្រធានាធិបតី​អាមេរិក នៅ​ថ្ងៃ​ទី​២០ ខែ​មករា ឆ្នាំ​២០២០។ ដំណើរ​ទស្សនកិច្ច​របស់​មេដឹកនាំ​មហាអំណាច​ទី​មួយ​នេះ ត្រូវ​បាន​អ្នក​សង្កេតការណ៍​មើល​ឃើញ​ថា លោក បៃដិន មក​បំពេញ​ការ​ប្ដេជ្ញា​ចិត្ត​របស់​លោក​ក្នុង​ការ​ពង្រឹង​យុទ្ធសាស្ត្រ​របស់​អាមេរិក​នៅ​តំបន់​ឥណ្ឌូ-ប៉ាស៊ីហ្វិក ទាំង​សន្តិសុខ...

រដ្ឋមន្ត្រី​កសិកម្ម​ថា​ការ​ដោះដូរ​ដី​សួនសត្វ​ភ្នំ​តាម៉ៅ​មិន​មាន​ផល​ប៉ះពាល់​បរិស្ថាន​ឡើយ

រដ្ឋមន្ត្រី​ក្រសួង​កសិកម្ម រុក្ខាប្រមាញ់ និង​នេសាទ បាន​អះអាង​ថា ការ​ដោះដូរ​ដី​ដើម្បី​ធ្វើការ​អភិវឌ្ឍ​ក្បែរ​សួនសត្វ​ភ្នំ​តាម៉ៅ ទៅ​ឱ្យ​ក្រុមហ៊ុន​ឯកជន មិន​មាន​ផល​ប៉ះពាល់​ដី​ឧទ្យាន​សួនសត្វ និង​មជ្ឈមណ្ឌល​សង្គ្រោះ​សត្វព្រៃ​ភ្នំ​តាម៉ៅ ជាង ៤០០​ហិកតារ​ដែល​មាន​របង​ព័ទ្ធ និង​ហេដ្ឋារចនាសម្ព័ន្ធ​នានា​នោះ​ទេ។ រដ្ឋមន្ត្រី​ក្រសួង​កសិកម្ម លោក វេង សាខុន ធ្វើឡើង​តាម​លិខិត​ដែល​បាន​ដាក់​ទៅ​ទីស្ដីការ​គណៈរដ្ឋមន្ត្រី​ចុះ​ថ្ងៃ​ទី​២៨ ខែ​មេសា ឆ្នាំ​២០២២ បាន​លើកឡើង​នៅ​ក្នុង​លិខិត​ថា ការ​ស្នើសុំ​គោលការណ៍​ដើម្បី​ដោះដូរ​ទីតាំង​ដី​របស់​គណៈរដ្ឋមន្ត្រី​នោះ មិន​បាន​ប៉ះពាល់ ឬ​ជាន់​លើ​ផ្ទៃដី​ឧទ្យាន​សួនសត្វ និង​មជ្ឈមណ្ឌល​សង្គ្រោះ​សត្វព្រៃ​ភ្នំ​តាម៉ៅ ដែល​មាន​ទំហំ​ជាង ៤០០​ហិកតារ...

គ្រឿងចក្រ​ជាច្រើន​កំពុង​ឈូស​ឆាយ​ទន្ទ្រាន​ព្រៃស្រោង​ក្នុង​តំបន់​ព្រៃឡង់​រាប់ពាន់​ហិកតារ

គ្រឿងចក្រ​ជាច្រើន​គ្រឿង និង​កម្មករ​ជាច្រើន​នាក់ កំពុង​មមាញឹក​ឈូស​ឆាយ​កម្ទេច​ព្រៃស្រោង​ស្ថិត​ក្នុង​ដែន​ជម្រក​សត្វព្រៃ​ព្រៃឡង់ ក្នុង​ស្រុក​ថាឡាបរិវ៉ាត់ ខេត្ត​ស្ទឹងត្រែង ដើម្បី​ទន្ទ្រាន​យក​ដី​ធ្វើ​ជា​កម្មសិទ្ធិ​ផ្ទាល់ខ្លួន។ ប្រជា​សហគមន៍​ការពារ​ព្រៃឡង់ បាន​ចុះ​ដល់​ទីតាំង​បទល្មើស​ព្រៃឈើ​កាលពី​សប្តាហ៍​មុន បាន​ថត​វីដេអូ និង​គ្រឿងចក្រ​បង្ហាញ​ពី​សកម្មភាព​ឈូស​ឆាយ​ព្រៃ​ទ្រង់ទ្រាយ​ធំ​នេះ ដោយ​ស្នើ​ឱ្យ​អាជ្ញាធរ​ទប់ស្កាត់ ប៉ុន្តែ​ពុំ​ឃើញ​មន្ត្រី​ជំនាញ​ចុះ​បង្ក្រាប​នៅឡើយ​ទេ​មក​ទល់​ពេលនេះ។ សមាជិក​សហគមន៍​ការពារ​ព្រៃឡង់​ដែល​ចុះ​អង្កេត​រឿង​នេះ លោក ថាន់ សាន បាន​ប្រាប់​សារព័ត៌មាន ឌឹ ខេមបូឌា ដេលី នៅ​ថ្ងៃ​ទី​១៩ ឧសភា ថា បច្ចុប្បន្ន​ដែន​ជម្រក​សត្វព្រៃ​ព្រៃឡង់ ស្ថិត​ក្នុង​ឃុំ​ចម្ការលើ ឃុំ​អន្លង់ភេ...

GDP៖ ការ​រើសអើង​និន្នាការ​នយោបាយ​ជា​ប្រធានបទ​យ៉ាង​សំខាន់​សម្រាប់​ពលរដ្ឋ​នៅ​មូលដ្ឋាន

គណបក្ស​ប្រជាធិបតេយ្យ​មូលដ្ឋាន (GDP) ដែល​បាន​ចូលរួម​ការ​បោះឆ្នោត​ឆ្នាំ​២០២២ អះអាង​ថា ភាព​ភ័យខ្លាច​ដោយសារ​ការ​រើសអើង​និន្នាការ​នយោបាយ​សម្រាប់​ពលរដ្ឋ​នៅ​មូលដ្ឋាន បាន​ក្លាយ​ជា​ប្រធានបទ​យ៉ាង​សំខាន់​មួយ​អំឡុង​ពេល​នៃ​ការ​បោះឆ្នោត​ឃុំ-សង្កាត់​ឆ្នាំ​២០២២ និង​បោះឆ្នោត​ជាតិ​ឆ្នាំ​២០២៣ ខាងមុខ​នេះ។ ប្រធាន​គណៈកម្មាធិការ​នាយក​គណបក្ស​ប្រជាធិបតេយ្យ​មូលដ្ឋាន បណ្ឌិត យ៉ង សាំងកុមារ បាន​ប្រាប់​សារព័ត៌មាន The Cambodia Daily នៅ​ថ្ងៃ​ទី​១៩ ឧសភា នេះ​ថា ការ​លុបបំបាត់​បញ្ហា​រើសអើង និង​ភាព​ភ័យខ្លាច​ដែល​កើតឡើង​ពី​ការ​ប្រកាន់​និន្នាការ​នយោបាយ​ដែល​បណ្តាល​ឱ្យ​មាន​ការ​ធ្វើ​ទុក្ខបុកម្នេញ​លើ​សមាជិក សកម្មជន និង​អ្នកគាំទ្រ​គណបក្ស​ក្រៅ​រដ្ឋាភិបាល​ក្នុង​អំឡុង​ពេល​នៃ​ការ​បោះឆ្នោត​ឃុំ-សង្កាត់​ឆ្នាំ​២០២២ ខាងមុខ​នេះ រដ្ឋាភិបាល​កម្ពុជា​ត្រូវតែ​លុបចោល​ឲ្យ​អស់...

Latest news